آفتاب عالم ایڈووکیٹ: ترقیاتی منصوبے شفاف انداز میں جلد مکمل کیے جائیں

کوہاٹ: صوبائی وزیر قانون آفتاب عالم ایڈوکیٹ اور چیئرمین ڈیڈک کوہاٹ شفیع جان کی زیر صدارت ضلع کوہاٹ میں محکمہ پبلک ہیلتھ انجینئرنگ کی ترقیاتی سکیموں پر پیشرفت کا جائزہ اجلاس منعقد ہوا۔ اجلاس میں ڈپٹی کمشنر کوہاٹ، تحصیل چیئرمین گمبٹ ساجد اقبال، ایکسئین پبلک ہیلتھ انجینئرنگ کوہاٹ سمیت دیگر متعلقہ افسران نے شرکت کی۔

اجلاس میں ضلع کوہاٹ کے مختلف علاقوں میں محکمہ پبلک ہیلتھ انجینئرنگ کے تحت جاری اور مجوزہ ترقیاتی منصوبوں کا تفصیل سے جائزہ لیا گیا۔ ان منصوبوں میں صاف پانی کی فراہمی، نکاسی آب کے نظام کی بہتری، سڑکوں کی تعمیر و مرمت اور دیگر بنیادی انفراسٹرکچر کے منصوبے شامل تھے۔ شرکاء نے ان سکیموں کی موجودہ صورتحال، درپیش مسائل اور مستقبل کے لائحہ عمل پر تفصیل سے تبادلہ خیال کیا۔

چیئرمین ڈیڈک شفیع جان نے اجلاس سے خطاب کرتے ہوئے کہا کہ تمام ترقیاتی سکیمیں عوامی مفاد کو مدنظر رکھتے ہوئے تیار کی جائیں تاکہ زیادہ سے زیادہ لوگ ان سہولیات سے فائدہ اٹھا سکیں۔ انہوں نے ہدایت کی کہ منصوبہ بندی کے ہر مرحلے میں عوام کی بنیادی ضروریات کو ترجیح دی جائے۔

اس موقع پر ڈپٹی کمشنر کوہاٹ اور متعلقہ افسران کو ہدایت دی گئی کہ تمام منصوبوں کی بروقت تکمیل، معیار اور شفافیت کو یقینی بنایا جائے تاکہ حکومتی وسائل کا درست اور مؤثر استعمال ہو سکے۔ وزیر قانون آفتاب عالم ایڈوکیٹ نے منصوبوں کے قانونی اور مالی پہلوؤں پر روشنی ڈالتے ہوئے کہا کہ تمام منصوبے مکمل قانونی دائرہ کار میں رہتے ہوئے مکمل کیے جائیں اور فنڈز کے استعمال میں شفافیت کو ہر صورت یقینی بنایا جائے۔ انہوں نے یقین دہانی کرائی کہ محکمہ قانون ہر ممکن قانونی معاونت فراہم کرے گا۔

اجلاس میں اس امید کا اظہار کیا گیا کہ ان ترقیاتی منصوبوں کی تکمیل سے نہ صرف عوامی سہولیات میں اضافہ ہو گا بلکہ صاف پانی کی فراہمی، نکاسی آب کے نظام میں بہتری، بنیادی ڈھانچے کی مضبوطی اور روزگار کے مواقع پیدا ہونے سے کوہاٹ کے عوام کی زندگیوں میں نمایاں بہتری آئے گی۔ اجلاس کے اختتام پر تمام اداروں کے درمیان بہتر ہم آہنگی کے ساتھ منصوبوں کو جلد از جلد مکمل کرنے کے عزم کا اظہار کیا گی

Powered by Froala Editor