کوہاٹ،دہشتگردی کا بڑا منصوبہ ناکام، کالعدم تحریک طالبان سے وابستہ دو اہلکار گرفتار

کوہاٹ: ڈسٹرکٹ پولیس اور سی ٹی ڈی کوہاٹ نے مشترکہ کارروائی کرتے ہوئے تحریک طالبان پاکستان کے لیے سرگرم دو اہم دہشتگردوں کو گرفتار کر لیا۔ اس حوالے سے ریجنل پولیس آفیسر کوہاٹ عباس مجید مروت نے کوہاٹ پولیس کلب میں ڈی پی او ڈاکٹر زاہد اللہ اور ایس پی سی ٹی ڈی سعادات خان کے ہمراہ پریس کانفرنس کرتے ہوئے بتایا کہ گرفتار ملزمان نہ صرف کالعدم تنظیم کے سہولت کار ہیں بلکہ سیکیورٹی اداروں میں ملازم بھی ہیں۔

تفصیلات کے مطابق گرفتار دہشتگردوں میں سے سراج ڈسٹرکٹ پولیس کا سپاہی ہے جبکہ فریدون سی ٹی ڈی پولیس میں بطور اہلکار خدمات انجام دے رہا تھا۔

دونوں اہلکاروں نے دوران تفتیش انکشاف کیا کہ انہوں نے محرم الحرام کے دوران کوہاٹ پولیس کے اعلیٰ افسران کو نشانہ بنانے، پولیس لائنز مسجد، تھانہ سی ٹی ڈی اور دیگر سرکاری عمارتوں میں بم دھماکوں کی منصوبہ بندی کر رکھی تھی۔

اسی طرح انہوں نے محرم کے جلوسوں کو بھی دہشتگردی کا نشانہ بنانے کی سازش تیار کی تھی۔

ریجنل پولیس آفیسر کے مطابق ملزمان سے تفتیش جاری ہے اور عدالت سے ان کا پندرہ روزہ جسمانی ریمانڈ حاصل کر لیا گیا ہے۔

دہشتگردوں اپنے جرائم کا اعتراف بھی کر لیا ہے۔ گرفتار ملزمان کے نیٹ ورک اور دیگر سہولت کاروں کی تلاش کے لیے بڑے پیمانے پر آپریشن جاری ہیں۔ پولیس اور سی ٹی ڈی کی بروقت کارروائی سے ایک بڑا سانحہ رونما ہونے سے بچا لیا گیا ہے۔

کوہاٹ،دہشتگردی کا بڑا منصوبہ ناکام، کالعدم تحریک طالبان سے وابستہ دو اہلکار گرفتار

مصنف کے بارے میں